जुवाडे पक्राउ

काठमाडौं । पुनर्वास नगरपालिका–११ चौकीडाँडास्थित कुखुराको फर्ममा जुवातास खेलिरहेको अवस्थामा कैलाली गौरीगंगा नगरपालिका–११ शिवपुर घर भएका ४८ वर्षीय नर बहादुर धामी समेत ६ जनालाई साँझ प्रहरीले पक्राउ गरेको छ । विशेष सूचनाको आधारमा प्रदेश प्रहरी कार्यालय धनगढी र ईलाका प्रहरी कार्यालय त्रिभुवनबस्तीबाट खटिएको प्रहरीले उनीहरूलाई नगद ७१ हजार २ सय २५ रुपैयाँ र एक गड्डी तास सहित फेला पारी पक्राउ गरेको हो । यसैबीच सिरहा मिर्चैया नगरपालिका–११ सितापुर बस्ने विपिन कुमार साहको घर अगाडि पार्किङ गरी राखेको स.४ प ८९७० नम्बरको मोटरसाइकल चोरी गरेको अभियोगमा धनुषा मिथिला नगरपालिका–२ बस्ने १७ वर्षीय किशोरलाई राति प्रहरीले पक्राउ गरेको छ । ईलाका प्रहरी कार्यालय ढल्केबरबाट खटिएको प्रहरीले ती किशरलाई मिथिला नगरपालिका–५ श्रीपुरबाट उक्त चोरी भएको मोटरसाइकल सहित फेला पारी पक्राउ गरेको हो ।