काठमाडौं । हेटौंडा उपमहानगरपालिका–१ चाईना क्वाटरबाट अवैध लागूऔषध गाँजा करिब २५ किलो ७ सय ग्राम बिहान प्रहरीले बरामद गरेको छ । जिल्ला प्रहरी कार्यालय मकवानपुरबाट खटिएको प्रहरीले ना.१ ह ८९६६ नम्बरको अटोलाई जाँच गर्ने क्रममा उक्त गाँजा फेला पारी बरामद गरेको हो । त्यसैगरी दाङ, घोराही उपमहानगरपालिका–१० स्थित मानव कल्याण समाज नारायणपुर दाङमा रहेका हाल वतन नखुलेका ७० वर्षीय मिसन पुरुवा आफु सुत्ने कोठामा मृत अवस्थामा फेला परेका छन् । नवलपरासी(पश्चिम), बर्दघाट नगरपालिका–५ सयपत्री सामुदायिक जंगलमा हाल नाम, थर, वतन नखुलेका पुरुषको शव सडिगली सकेको अवस्थामा फेला परेको छ ।
