काठमाडौं । फालेलुङ गाउँपालिका–५ फेङलिटार बस्ने धन बहादुर तामाङको घरमा राति आगलागी हुँदा घर पूर्णरुपमा जलेर अन्दाजी २० लाख रुपैयाँ बराबरको धनमाल नष्ट भएको छ । प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा थप अनुसन्धान गरिरहेको छ । यसैबीच बुटवल उपमहानगरपालिका–६ पुरानो बसपार्क डेरा गरी बस्ने चितवन घर भएका २२ वर्षीय सुरज बजगाईको करेन्ट लागेर बिहान मृत्यु भएको छ । तिलोत्तमा नगरपालिका–२ शंकरनगरस्थित घरमा स्टिल वेल्डिङ गर्ने क्रममा करेन्ट लागेर गम्भीर घाइते भएका उनको क्रिमशन अस्पताल मणिग्राममा उपचारको क्रममा मृत्यु भएको हो । त्यसैगरी थासाङ गाउँपालिका–२ सौरू बस्ने आसमान राईको छोरा ४ वर्षीय गोपने राईको घर नजिकै रहेको माछापोखरीमा डुबेर दिउँसो मृत्यु भएको छ । खेल्ने क्रममा डुबेर आशक्त भएका उनको कोबाङ स्वास्थ्य चौकीमा उपचारको क्रममा मृत्यु भएको हो । यसैगरी चितवन, रत्ननगर नगरपालिका–९ लालपर्सास्थित सडक छेउमा सोही ठाउँ बस्ने ६१ वर्षीय चन्द्र बहादुर लामा मृत अवस्थामा फेला परेका छन् । काठमाडौं, काठमाडौं महानगरपालिका–११ त्रिपुरेश्वरस्थित कालमोचन मान्दिर नजिक त्रिपालले बारेको टहरामा हाल नाम, थर, वतन नखुलेका अन्दाजी ५५ वर्षीय पुरुष मृत अवस्थामा फेला परेका छन् । पर्सा, ठोरी गाउँपालिका–२ गौतमनगरस्थित सडक छेउमा हाल नाम, थर, वतन नखुलेका करिब ७५ वर्षीय पुरुष मृत अवस्थामा फेला परेका छन् ।
