मृत फेला

काठमाडौं । काठमाडौं, बुढानिलकण्ठ नगरपालिका–१२ कपन फैकाचोक डेरा गरी बस्ने सर्लाही चन्द्रनगर गाउँपालिका–४ घर भएका ५० वर्षीय राजेन्द्र राम चमार आफ्नै कोठामा मृत अवस्थामा फेला परेका छन् ।  धनुषा, जनकपुर उपमहानगरपालिका–४ गोपाल धर्मशाला बस्ने ५० वर्षीय शंकर राउत सोही ठाउँमा मृत अवस्थामा फेला परेका छन् ।  यसैगरी धनुषा, गणेशमान चारनाथ नगरपालिका–६ गोदार दुर्गा मन्दिरस्थित फुलवारीमा सोही ठाउँ बस्ने ५० वर्षीय विन्देश्वर यादव मृत अवस्थामा फेला परेका छन् । लमजुङ, बेसिसहर नगरपालिका–९ मझुवा खोलामा बर्दिया ज्वालामुखी गाउँपालिका–६ स्यालबास घर भई बेशिसहर नगरपालिका–८  डेरा गरी बस्ने ३४ वर्षीय गोप बहादुर बिक मृत अवस्थामा फेला परेका छन् । घरबाट हिँडेका उनको खोजी गर्ने क्रममा ऊक्त खोलामा शव फेला परेको हो । नुवाकोट, उत्तरगया गाउँपालिका–५ बस्ने आईतराम तामाङकी छोरी १७ वर्षीया अस्मिता तामाङ बिदुर नगरपालिका–७ तुप्चेस्थित त्रिशुली खोलामा मृत अवस्थामा फेल परेकी छिन् । घरबाट हिँडेकी उनको खोजी गर्ने क्रममा उक्त खोलामा शव फेला परेको हो ।