काठमाडौं । भरतपुर महानगरपालिका–९ केन्द्रिय बसपार्क नजिकै सोही ठाउँ बस्ने ३५ वर्षीय शिव गैह्रेको रोयल किचन एण्ड स्नोकर हाउसमा जुवातास खेलिरहेको अवस्थामा गैह्रे समेत ६ जनालाई राति प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय चितवन र प्रहरी चौकी नारायणगढ बसपार्कबाट खटिएको प्रहरीले उनीहरूलाई नगद ४८ हजार २ सय ५० रूपैयाँ र ३ बुक ताससहित फेला पारी पक्राउ गरेको हो । यसैबीच नुवाकोट, बेलकोटगढी नगरपालिका–९ बाघखोर बस्ने ४५ वर्षीय बीर सिंह तामाङ सोही ठाउँस्थित बाटोमा मृत अवस्थामा फेला परेका छन् । लमजुङ, क्व्होलासोथर गाउँपालिका–८ घाम्राङ बेशीस्थित बारीमा सोही गाउँपालिका–८ घिचे बस्ने ८० वर्षीय नन्द लाल गुरुङ मृत अवस्थामा फेला परेका छन् । मोरङ, सुन्दरहरैचा नगरपालिका–५ स्थित साझेदारी वनमा हाल नाम, थर, वतन नखुलेका अन्दाजी ५५ वर्षीय पुरुष मृत अवस्थामा फेला परेका छन् ।
