रिभल्बर र गोली बरामद

काठमाडौं । कमलामाई नगरपालिका-१० दोभान बस्ने ४७ वर्षीय भिम बहादुर हायुलाई रिभल्बर र सोही रिभल्बरको गोली ६ राउण्ड सहित राती प्रहरीले पक्राउ गरेको छ । भिम बहादुरको घरमा हतियार लुकाई राखेको भन्ने सूचनाको आधारमा इलाका प्रहरी कार्यालय भिमानबाट खटिएको प्रहरीले घर तलासी गर्दा चामल राख्ने प्लास्टिको ड्रमभित्र लुकाई राखेको अवस्थामा उक्त रिभल्बर र गोली फेला पारी उनलाई पक्राउ गरेको हो । यसैबीच बराहाताल गाउँपालिका-४ जोगिडाँडास्थित जंगलको भित्री बाटोको नजिकबाट भरूवा बन्दुक १ थान बिहान प्रहरीले बरामद गरेको छ । अस्थायी प्रहरी पोष्ट तरङ्गाबाट खटिएको प्रहरीले वेवारिसे अवस्थामा रहेको उक्त बन्दुक फेला पारी बरामद गरेको हो ।