काठमाडौं । झापा, झापा गाउँपालिका-५ स्थित बिरिङ खोलाको पुलबाट अवैध लागूऔषध ब्राउनसुगर जस्तो देखिने पदार्थ करिब २ ग्राम ९५ मिलिग्राम सहित २ जनालाई राति प्रहरीले पक्राउ गरेको छ । पक्राउ पर्नेहरूमा बाह्रदशी गाउँपालिका-३ बस्ने २२ वर्षीय अनिल राजवंशी र हल्दिबारी गाउँपालिका-१ बस्ने २३ वर्षीय बिशाल राई रहेका छन् । प्रहरी चौकी शरणामति समेतबाट खटिएको प्रहरीले प्रदेश १-०१-०१२ प ९७११ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पदार्थ सहित पक्राउ गरेको हो ।
