काठमाडौं । हरिवन नगरपालिका-११ बासाडोल स्थित सडकमा प्र.२-०३-००१ क ११३७ नम्बरको टिपरले बा.प्र.०२-०३७ प ४४०१ नम्बरको मोटर-साइकललाई दिउँसो ठक्कर दिँदा मोटरसाइकल चालक सर्लाही हरिवन नगरपालिका-७ बस्ने ४२ वर्षीय दिपक अधिकारीको मृत्यु भएको छ । ठक्करबाट गम्भीर घाइते भएका उनको नमुना अस्पताल हरिवन सर्लाहीमा उपचारको क्रममा मृत्यु भएको हो । यसैबीच स्याङ्जा, फेदीखोला गाउँपालिका-४ देउराली बस्ने ५८ वर्षीय भरत बहादुर विक सोही गाउँपालिका-४ ध्यामरूङ खोलामा मृत अवस्थामा फेला परेका छन् । सप्तरी, बलान बिहुल गाउँपालिका-४ घर भएका राजबिराज नगरपालिका-८ डेरा गरी बस्ने देव नारायण साहको छोरा ८ वर्षीय प्रिन्स कुमार साह सोही ठाउँस्थित नालामा मृत अवस्थामा फेला परेका छन् ।
