काठमाडौं । बाँसगढी नगरपालिका-३ स्थित मानखोलामा पौडी खेल्ने क्रममा डुबेर सल्यान कालिमाटी गाउँपालिका-६ घर भएका गगन विकको छोरा ९ वर्षीय कुशल विकको साँझ मृत्यु भएको छ । त्यसैगरी काभ्रे, भुम्लु गाउँपालिका-१० थापा टोलस्थित कुखुरा फर्ममा पर्सा वीरगंज महानगरपालिका-१९ घर भई भएका ३२ वर्षीय मुस्तुफा आलम मृत अवस्थामा फेला परेका छन् । कपिलवस्तु, यशोधरा गाउँपालिका-१ तितिर्खा बस्ने ६५ वर्षीय बिक्रम तेली सोही ठाउँस्थित जमुवार खोलामा मृत अवस्थामा फेला परेका छन् । सिन्धुली, गोलन्जोर गाउँपालिका-३ मुर्किबेसीस्थित सुनकोशी नदीको किनारमा हाल नाम, थर, वतन नखुलेका करिब ४० वर्षीय पुरूष मृत अवस्थामा फेला परेका छन् ।
