सुनसहित लामा हिरासतमा

काठमाडौं । कालिका गाउँपालिका-१ ग्राङबाट सुनजस्तो देखिने धातु करिब २ किलोग्राम सहित गोसाईकुण्ड गाउँपालिका-३ ब्रिद्धिम बस्ने ३४ वर्षीय कर्मा सोनाम लामालाई बेलुकी प्रहरीले पक्राउ गरेको छ । अस्थायी प्रहरी पोष्ट ग्राङबाट खटिएको प्रहरीले कालिकातर्फ जाँदै गरेको बागमती प्रदेश ०२-०४३ प २४३४ नम्बरको मोटरसाइकललाई जाँच गर्ने क्रममा मोटरसाइकलमा सवार लामाले लगाएको दुवै जुत्ताभित्र लुकाई छिपाई ल्याएको उक्त धातु फेला पारी पक्राउ गरेको हो । यसैबीच काठमाडौं, दक्षिणकाली नगरपालिका-१ चाल्नाखेल कुश्लेरगाउँ बस्ने २५ वर्षीय संजिव कुमार कटवाल आफनै घरमा मृत अवस्थामा फेला परेका छन् । यसैगरी काठमाडौं महानगरपालिका-१३ कालिमाटी शालिकचोकस्थित सडक पेटीमा उदयपुर कटारी नगरपालिका-९ लिमकटार घर भएकी ४२ वर्षीया जानुका सुर्खेती मृत अवस्थामा फेला परेकी छिन् ।