बन्दुक बरामद

काठमाडौं । बलरा नगरपालिका–५ अर्नाहा बस्ने राकेश मिश्रको घरबाट एकनाले भरुवा बन्दुक १ थान साँझ प्रहरीले बरामद गरेको छ । विशेष सूचनाको आधारमा ईलाका प्रहरी कार्यालय बलरा र ईलाका प्रहरी कार्यालय गडहियाबाट खटिएको प्रहरीले राकेशको घरमा लुकाईछिपाई राखिएको उक्त बन्दुक फेला पारी बरामद गरेको हो । त्यसैगरी नागार्जुन नगरपालिका–२ गैरीगाउँ डेरा गरी बस्ने ४७ वर्षीय उद्दब मल्लको कोठामा जुवातास खेलिरहेको अवस्थामा सोही नगरपालिका–२ बस्ने गोरखा घर भएका २५ वर्षीय भोज प्रताप थापा समेत ८ जनालाई दिउँसो प्रहरीले पक्राउ गरेको छ । विशेष सूचनाको आधारमा प्रहरी वृत्त स्वयम्भूबाट खटिएको प्रहरीले उनीहरुलाई नगद ३३ हजार ६ सय रूपैयाँ र ९ बुक तास सहित फेला पारी पक्राउ गरेको हो ।