बन्दुक बरामद

काठमाडौं । रुकुम (पूर्व), सिस्ने गाउँपालिका–१ स्थित पाखापानीको जंगलबाट वेवारिसे अवस्थामा रहेको भरुवा बन्दुक ८ थान दिउँसो प्रहरीले बरामद गरेको छ । विशेष सूचनाको आधारमा ईलाका प्रहरी कार्यालय प्वाङबाट खटिएको प्रहरीले उक्त बन्दुक फेला पारी बरामद गरेको हो । यसैगरी रूकुम (पूर्व), सिस्ने गाउँपालिका–२ नाईगार्ड पेदीखोलाको ओढारबाट वेवारिसे अवस्थामा रहेको भरूवा बन्दुक २ थान बिहान प्रहरीले बरामद गरेको छ । विशेष सूचनाको आधारमा ईलाका प्रहरी कार्यालय प्वाङबाट खटिएको प्रहरीले उक्त बन्दुक फेला पारी बरामद गरेको हो । सिरहा, गोलबजार नगरपालिका–३ स्थित रानीटार जङगलको खोल्साबाट वेवारिसे अवस्थामा रहेको एकनाले भरुवा बन्दुक १ थान बिहान प्रहरीले बरामद गरेको छ । विशेष सूचनाको आधारमा प्रहरी चौकी मुक्सार र ईलाका प्रहरी कार्यालय गोलबजारबाट खटिएको प्रहरीले उक्त बन्दुक फेला पारी बरामद गरेको हो ।